என் அன்பு தாய் ஐஸ்வர்யாவுக்கு என் சலாம்- ரஜினிகாந்த் வாழ்த்து

இதன்பின்னர் பேசிய நடிகர் ரஜினிகாந்த், காக்கா-கழுகு குறித்துத் தான் பேசியதற்கு விளக்கம் அளித்தார். மேலும் விஜய் தனக்குப் போட்டியில்லை எனவும் விஜய்யை போட்டியாக நினைத்தால், அது தனக்கும் அவருக்கும் அழகில்லை எனவும் அவர் தெரிவித்தார். இதன்மூலம் ரஜினிகாந்த் - விஜய் ரசிகர்கள் இடையே நடந்து வந்த இணையப் போர் முடிவுக்கு வந்தது.

இதனைத் தொடர்ந்து படத்திற்கு இன்னொரு சிக்கல் எழுந்தது. அது நடிகை தன்யா பாலகிருஷ்ணன் தனது இணையப் பக்கத்தில் தமிழர்கள் குறித்தும், காவிரி நீர், பெங்களூருவில் வசிக்கும் தமிழர்கள் குறித்து விமர்சித்து ஏற்கனவே பதிவிட்டிருந்தார். இதனால் கொதித்தெழுந்த இணையவாசிகள் படக்குழுவையும், ரஜினிகாந்த் மற்றும் ஐஸ்வர்யாவையும் குறிப்பிட்டு கேள்விகளை எழுப்பினர். படத்தில் நடிக்க வேறு நடிகையே கிடைக்கவில்லையா? தமிழர்களை விமர்சித்துப் பதிவிட்ட நடிகையின் படத்திற்கு எதிர்ப்பு தெரிவிப்போம் என்று போர்க்கொடி தூக்கினர்.

இதனால் படக்குழு அதிர்ச்சி அடைந்தது. இதைத்தொடர்ந்து நடிகை தன்யா பாலகிருஷ்ணன் பகிரங்க மன்னிப்பு கேட்டார். அதை நான் உண்மையாகப் பதிவிடவில்லை எனவும் தமிழ் மக்கள் மீது பெரும் மதிப்பும் மரியாதையும் வைத்துள்ளதாகவும் தனது அறிமுகமே தமிழ் படத்தில்தான் எனவும் அவர் கூறினார். இதனால் பிரச்சனைகள் ஓய்ந்து படம் இன்று திரையரங்குகளில் வெளியாகி உள்ளது.

இந்நிலையில் நடிகர் ரஜினிகாந்த் தனது எக்ஸ் பக்கத்தில், “என் அன்பு தாய் ஐஸ்வர்யாவுக்கு என் அன்பு சலாம். உங்களுடைய லால் சலாம் திரைப்படம் மிகப்பெரிய வெற்றி அடைய எல்லாம் வல்ல இறைவனை வேண்டுகிறேன்” எனப் பதிவிட்டுள்ளார்.