நாளை விண்ணில் பாய்கிறது 'இன்சாட்-3டிஎஸ்' செயற்கைகோள்.. கவுண்டவுன் இன்று தொடக்கம்..
இறுதிக்கட்டப் பணியான 27½ மணி நேர கவுண்ட்டவுன் இன்று (பிப்.16) பகல் 2.05 மணிக்கு தொடங்குகிறது.
வானிலை மற்றும் பேரிடர் எச்சரிக்கை தகவல்களை முன்கூட்டியே அறியும் வகையில் ‘இன்சாட்-3டிஎஸ்’ என்ற செயற்கைக்கோளை, இஸ்ரோ நாளை விண்ணில் செலுத்துகிறது.
வானிலை மற்றும் பேரிடர் எச்சரிக்கை தகவல்களை முன்கூட்டியே பெறுவதற்காக, ‘இன்சாட்-3டிஎஸ்’ என்ற செயற்கைகோளை இஸ்ரோ வடிவமைத்தது. இதனை, ஆந்திர மாநிலம் ஸ்ரீஹரிகோட்டாவில் உள்ள சதீஷ்தவான் விண்வெளி ஆய்வு மையத்தில் இருந்து ஜி.எஸ்.எல்.வி. எப்-14 ராக்கெட்டில் பொருத்தி நாளை (பிப்.17) மாலை 5.30 மணிக்கு இஸ்ரோ விண்ணில் செலுத்துகிறது. இறுதிக்கட்டப் பணியான 27½ மணி நேர கவுண்ட்டவுன் இன்று (பிப்.16) பகல் 2.05 மணிக்கு தொடங்குகிறது.
‘இன்சாட்-3டிஎஸ்’செயற்கைகோளை சுமந்து செல்லும் ஜி.எஸ்.எல்.வி. எப்-14 ராக்கெட்டின் மொத்த எடை 420 டன்னாகும். 3 நிலைகள் கொண்ட இந்த ராக்கெட்டில் 139 டன் உந்து சக்தியைக் கொண்ட திட உந்து சக்தி மோட்டார் பொருத்தப்பட்டுள்ளது. எரிபொருள் நிரப்பப்பட்ட நிலையில், ராக்கெட் மற்றும் செயற்கைகோளின் செயல்பாடுகளை இஸ்ரோ விஞ்ஞானிகள் தீவிரமாக கண்காணித்து வருகின்றனர்.
What's Your Reaction?
Like
0
Dislike
0
Love
0
Funny
0
Wow
0
Sad
0
Angry
0
Comments (0)